निश्चल र स्वस्तिमाको ‘छड्के सलाम’लाई कतिले हेरे ?
गत शुक्रबार सार्वजनिक गरिएको फिल्म ‘बेहुली फ्रम मेघौलीको छड्के सलाम गीतलाई आइतबार दिउँसोसम्म एघार लाख बढीले हेरेका छन् । गीतको भिडियोलाई सत्ताइस हजार बढीले लाइक गरेका छन् भने ६ सय बढी सकारात्मक प्रतिक्रिया छन् । दुई दिनमा फिल्मको गीतले राम्रो भ्युज प्राप्त गर्न सफल भएको हो । गीत :
जयन जे वाइबाको संगीत, शब्द र एरेञ्ज रहेको गीतमा कालिप्रसाद बाँस्कोटा, बबिना खत्री र निश्चल बस्नेतले स्वर दिएका छन् । गीतको भिडियोमा स्वस्तिमा खड्का, निश्चल बस्नेत, बसुन्धरा भूषाल, बिजय बराल लगायत अन्य फिल्मका कलाकारहरुको नृत्य छ । भिडियोको कोरियोग्राफी प्रदीप लामा र केविका खत्रीले संयुक्त रुपमा गरेका हुन् । छायाँकन नरेन्द्र मैनालीको छ ।
सजन काफ्ले र आकाश बरालको सयुक्त निर्देशन रहेको फिल्म बेहुली फ्रम मेघौली असोज १७ गते घटस्थापनादेखि प्रदर्शनमा आउँदैछ । फिल्मको तीन वटा गीतहरु सहित हल ट्रेलर समेत सार्वजनिक भैसकेको छ ।
