‘छक्का पञ्जा ५’ को ‘बिहे भाको छैन’लाई २५ लाख भ्युज
दिपक दिपाको फिल्म ‘छक्का पञ्जा ५’ को पहिलो गीतलाई पच्चीस लाख पटक हेरिएको छ । युटुवमा अपलोड भएको एक साता नपुग्दै दिपकराज गिरी र बर्षा सिवाकोटी फिचर्ड गीतको भिडियोलाई यति धेरै पटक हेरिएको हो । गीत :
दिपक शर्माद्वारा संगीतवद्ध बिहे भाको छैन बोलको गीतमा गायिका मेनुका पौडेल र गायक सुविन सुवेदीको स्वर छ । शब्द दिपकराज र संगीतकार शर्माले संयुक्त रुपमा सृजना गरेका हुन् । सुनिल क्षेत्रीको कोरियोग्राफी रहेको गीतमा दिपक र बर्षासँगै कलाकार केदार घिमिरे माग्ने बुढा पनि फिचर्ड छन् ।
दिपाश्री निरौला निर्देशित छक्का पञ्जा ५ को पहिलो गीतले सफलता पाइरहेको छ । गीतमा समावेश बिहे भाको छैन म, कुमारी नि हैन म गीतको पंत्ति चर्चामा छ । फिल्म दशैंको अवसर पारेर फूलपाती, असोज २४ गतेबाट प्रदर्शनमा आउँदैछ ।
