युवराज श्रेष्ठसँग अरुणीमा लम्सालले गरिन् बिबाह
अभिनेत्री अरुणिमा लम्सालले बिबाह गरेकी छन् । कांग्रेस नेता युवराज श्रेष्ठसँग अरुणीमाले सोमबार काठमाडौंको बत्तीसपुतलीस्थित राम मन्दिरमा बिबाह गरेकी हुन् ।
निकट आफन्त र परिवारको उपस्थितिमा उनीहरुले मन्दिरमा विवाह गरेको बचाइन्छ । उनीहरुको मागी विवाह भएको बुझिन्छ । केही दिनअघि यी दुईजनाले सुनसरी जिल्ला अदालतमा कोर्ट म्यारिज समेत गरिसकेका छन् । अदालती विवाहपछि मन्दिरमा धार्मिक विधिअनुसार पूजा गरेका हुन् । अरुणीमाका श्रीमान श्रेष्ठ बराहक्षेत्र नगरपालिका, चतरा सुनसरीका स्थानीय कांग्रेस नेता समेत हुन् । उनी बराहक्षेत्र नगर कमिटीका उपसभापति समेत हुन् ।
‘धड्कन गर्ल’ अरुणीमा लामो समयदेखि अमेरिकामा आमा,बुवा र छोरीसँग बसोबास गर्दै आइरहेकी छन् । दर्जनौं फिल्महरुमा अभिनय गरेकी अभिनेत्री अरुणीमा लम्सालको यो दोश्रो विवाह हो ।
