कृषाको ‘पिताम्बर’मा दया र आर्यनको आगमन
कृषा चौंलागाईंले निर्देशन गर्ने फिल्म पिताम्बरमा स्टार एक्टर अनुबन्धित हुने क्रम जारी छ । सौगात र प्रदीपपछि यो फिल्ममा अन्य दुई स्टार अनुबन्धित भएका छन् ।
अभिनेताद्वाय आर्यन सिग्देल र दयाहाङ राईलाई निर्देशक चौंलागाईंले पिताम्बरको ग्याङमा स्वागत गरेकी हुन् । फिल्म ‘मेरो एउटा साथी छ’ र ‘लोफर’ पश्चात् आर्यन र दया एकै फिल्ममा देखिन लागेका हुन् र तर उनीहरुको भूमिका बारे निर्देशक चौंलागाईंले केही पनि बताएकी छैनन् ।
‘पिताम्बर’मा अब दया, आर्यनसँगै प्रदीप खड्का, सौगात मल्ल, आँचल शर्मा, अनुपविक्रम शाही, सुरक्षा पन्त, प्रमोद अग्रहरी, दिव्य देव, सुपुष्पा भट्ट, कामेश्वर चौरासिया, गौरव विष्ट, विशाल पहारी जस्ता कलाकारहरूको यो फिल्ममा अभिनय रहनेछ ।
‘पिताम्बर’को दोस्रो चरणको छायाङ्कन भदौको पहिलो साताबाट सुरु हुँदैछ । पिताम्बर लाई निर्देशक चौंलागाईं र सिनेम्याटोग्राफर पुरुषोत्तम प्रधान मिलेन निर्माण गर्दैछन् ।
