विवेक र आँचल ‘वर एण्ड वधु’को ‘सिरी सिरी हावा’मा वोल्ड
भदौ १४ गतेबाट प्रदर्शन आउने फिल्म वर एण्ड वधुको तेश्रो गीत रिलिज गरिएको छ । शिरी शिरी हावा बोलको गीतमा अभिनेत्री आँचल शर्मा र नव अभिनेता विवेक कर्माचार्य फिचर्ड छन् । गीत :
वर एण्ड वधुको सार्वजनिक यो नयाँ गीत रोमानियामा छायाँकन गरिएको हो । युग भुषालको संगीत रहेको गीतमा नरेश भट्टराईको शब्द छन् । स्वर सुगम पोखरेल र नेहा करोडले दिएका छन् । गीतको कोरियोग्राफी सुष्मिता वाइवाको छ । फिल्मका छायाँकार सुदीप बराल हुन् ।
फिल्म वर एण्ड वधुलाई मिलन चाम्सले निर्देशन गरेका हुन् । फिल्ममा आँचल र विवेकसँगै विजय लामा, किरण केसी, रविन्द्र खड्का, कुसुश शर्मा, सृष्टि खड्का लगायतको अभिनय छ । पारिवारिक लभ स्टोरी फिल्मको प्रोमोलाई रुचाइएको छ ।
