‘टाइगर जिन्दा है’ ले तोड्यो ‘सुल्तान’ को रेकर्ड

बलिउड दबंग खानले आफैले बनाएको रेकर्डलाई तोडेका छन् । क्रिसमसको मुखमा रिलिज भएको सलमान खानको ‘टाइगर जिन्दा है’ ले तीन दिनको कलेक्सनमा उनकै फिल्म ‘सुल्तान’ लाई उछिनेको हो । कैटरिना कैफ र सलमानको मुख्य भूमिका रहेको ‘एक्सन प्याक’ फिल्मले तीन दिनमा कति कमायो त ?

रिपार्ट अनुसार ‘टाइगर जिन्दा है’ ले तीन दिनमा एक सय चौध करोडको व्यापार गरेको छ । जबकी ‘सुल्तान’ ले तीन दिनमा एक सय पाँच करोडको मात्रै व्यापार गरेको थियो । यो सँगै सलमानको पछिल्लो यो फिल्म तीनमा सर्वाधिक ग्रस गर्ने फिल्मको रुपमा दहरिएको छ । अंग्रेजी नयाँ बर्षमा फिल्मको कलेक्सन आक्रमक हुने पक्का छ । फिल्मको मा वर्ड अफ माउथ पनि राम्रो भएकाले ‘टाइगर जिन्दा है’ ले ‘बाहुबली २’ ले बनाएको बाहेक सबै रेकर्ड तोड्ने आँकलन गरिएको छ ।

यशराज ब्यानरमा बनेको ‘टाइगर जिन्दा है’ लाई अलि अब्बास जफरले निर्देशन गरेका हुन् । सलमानसँगै कैटरिनको कामलाई पनि दर्शक तथा समिक्षकले रुचाएका छन् ।