‘वर्थ डे’ विशेष : ५२ लागे सलमान खान
बलिउडका दबंग खान अर्थात् अभिनेता सलमान खानको आज (डिसेम्वर २७ तारिख) मा जन्मदिन हो । भारतको मध्ये प्रदेशमा जन्मिएका सलमान आजदेखि ५२ वर्षमा लागेका छन् । उनी अभिनित फिल्म ‘टाइगर जिन्दा है’ प्रदर्शन भैरहेकाले शुभचिन्तकको लागि सलमानको जन्मदिन विशेष हुनेछ ।
सलमान खान बलिउडका यस्ता अभिनेता हुन् जसले कन्ट्रोभर्सी र सफलता सँग सँगै पछ्याए । दर्जनौं सफल फिल्महरु दिएका सलमान प्रेमिकाको मामिलामा पनि उत्तिकै अगाडी छन् । ऐश्वर्य रायदेखि कैटरिना कैफसम्मको प्रेममा परेका सल्लु पछिल्लो पटक लुलियासँगको प्रेममा छन् । सलमान जति रिसालु छन् त्यति नै दयालु पनि ।
विइङ ह्युमन फाउण्डेशन स्थापना गरेर सलमानले सामाजिक सेवा पनि गरिरहेका छन् । उनले अभिनय गरेका पछिल्ला ‘सुल्तान’, ‘प्रेम रतन धन पायो’, ‘बजरंगी भाइजान’ जस्ता फिल्महरु सर्वाधिक सफल भए । ‘टाइगर जिन्दा है’ ले पनि बक्स अफिसमा तहल्का मच्याइरहेको छ । यिनै विश्वका लोकप्रिय अभिनेतालाई जन्मदिनको शुभकामना !
