‘शाम्बाला’ शुक्रबारबाट नेपालमा, नेपालबाट अस्करमा
मीनबहादुर भाम निर्देशित फिल्म ‘शाम्बाला’ले आगामी अस्कर अवार्डमा नेपालको प्रतिनिधित्व गर्ने भएको छ । बुहपतिप्रथामा निर्मित फिल्म यो शुक्रबार, भदौ २८ गतेदेखि नेपालमा प्रदर्शन भैरहेको छ ।
आवेदन दिने अन्तिम मिति विहिबारसम्म यो फिल्मले मात्र आवेदन दिएको अस्करको नेपाल छनोट समितिले जनाएको छ । समितिका अध्यक्ष तथा चलचित्र विकास बोर्डका सदस्य राजु केसीले एक मात्र आवेदन परेकाले ‘शाम्बाला’ निर्विरोध सिफारिस हुने बताएका छन् । यसको औपचारिक घोषणा शुक्रबार हुँदैछ । अब ‘शाम्बाला’ले अस्करको अन्तर्राष्ट्रिय फिचर विधामा भाग लिनेछ ।
नेपालको छनोट समितिले फिल्मलाई नोेभम्बरसम्म अमेरिका पठाइसक्नुपर्नेछ । ९७ औं अस्कर अवार्ड ३ मार्च, २०२५ मा अमेरिकाको लस-एन्जलसमा आयोजना हुँदैछ ।
