आइएनआइमा शनिबार ‘छक्का पञ्जा ४’ निःशुल्क प्रदर्शन गरिने
आइएनआइ सिनेमा हलको वार्षिकोत्सवको अवसरमा फिल्म ’छक्का पञ्जा ४’ निःशुल्क प्रदर्शन गरिने भएको छ । लेखक, निर्माता तथा अभिनेता दिपकराज गिरीले शनिबार निःशुल्क आफ्नो पछिल्लो फिल्म उक्त हलमा प्रदर्शन गरिने जानकारी दिएका हुन् ।
काठमाडौंको नयाँ वानेश्वरस्थित एनबी सेन्टरमा रहेको आईएनआई सिनेमाजले यो शनिबार पहिलो वार्षिकोत्सव मनाउँदैछ । सो अवसरमा दीपक-दीपाले आफूहरूको हिट फिल्मलाई २ शो निःशुल्क प्रदर्शन गर्न लागेका हुन् । दिउँसो २ः३० र बेलुका ५ः३० बजे तय गरिएको शोको टिकटका लागि काउन्टरमा सम्पर्क गर्न आग्रह गरिएको छ ।
फिल्म ‘छक्का पञ्जा ४’ गतवर्ष प्रदर्शनमा आएको थियो । हेमराज बिसीको निर्देशनमा रहेको फिल्ममा दीपकराज गिरी, दीपाश्री निरौला, बेनिशा हमाल, निर्मल शर्मा, केदार घिमिरे, बुद्धि तामाङ, राज आचार्य लगायतका कलाकारहरूको अभिनय छ।
दीपक-दीपाको आगामी फिल्म ’छक्का पञ्जा ५’ दसैंको अवसर पारेर फूलपातीबाट प्रदर्शनमा आउँदैछ । दिपाश्री निरौलाको निर्देशन रहेको फिल्ममा दिपकराज, केदार घिमिरे र बर्षा सिवाकोटीको मुुख्य भूमिका छ ।
