कार्यविनायकमा मुर्हत गर्दै ‘होस्टेल ३’ को छायाङ्कन सुरु
फिल्म ’होस्टेल ३’को छायाङ्कन सुरु गरिएको छ । आइतबार बिहान ललितपुरको कार्यविनायक मन्दिरमा फिल्मको मुहूर्त गरिएको हो । फिल्मका प्रमुख कलाकार पारस बम र सिम्रन पन्तले मुर्हत सट दिए ।
फिल्मको छायाङ्कन काठमाडौंको बोडेमा सुरु भएको छ । यहाँ पहिलो चरणको छायाङ्कन २५ दिनसम्म चल्ने र तिहारपछि अर्को चरणको छायाङ्कन सुरु गरिने चलचित्रका निर्देशक सशान कँडेलले बताए । ’होस्टेल’ शृङ्खलाको महत्वपूणर् तेस्रो कडीका रूपमा हेरिएको ’होस्टेल ३’ मा ’कुल ब्वाय’ अर्थात् पारस बम, रिहान गिरी, आशिष घिमिरे, पदम तामाङ, सिम्रन पन्त, हेना नगरकोटी, उमर खान, समा पराजुली, सन्तोष बानियाँलगायतका कलाकारहरूको अभिनय देख्न पाइनेछ।
अभिनेता आर्यन सिग्देलले चलचित्रमा होस्टेलको वार्डेनको भूमिका निभाउनेछन् भने अभिनेत्री परीक्षा लिम्बुले विशेष भूमिका निभाउनेछिन्। आइतबार सम्पन्न मुहूर्तमा आर्यन सिग्देल र परीक्षा लिम्बु बाहेक चलचित्रका अन्य सबै कलाकारहरूको उपस्थिति रहेको थियो ।
फिल्म ’होस्टेल ३’ को स्क्रिप्ट माधव शर्माले लेखेका हुन् भने कथा निर्देशक सशान कँडेलकै हो । फिल्मलाई सम्मान इन्टरटेन्मेन्टले आरोन कन फिल्म्ससँगको सहकार्यमा निर्माण गर्दैछ । फिल्मका डिओपी अर्जुन तिवारी हुन् भने सिनेमाटोग्राफर बुद्ध थापा र मनोज खत्री हुन् । मुख्य सहायक निर्देशक सुदिप कुँवर छन् ।
कार्यकारी निर्माता शङ्कर कोइराला, निर्माता कणर् कार्की र गोविन्द अधिकारी हुन् । सह-निर्माताहरूमा सुधा मरहट्ठा, सुरेश कँडेल, र अर्जुन सापकोटा रहेका छन् भने लाइन प्रोड्युसर भेषराज गौतम हुन् । फिल्म ’होस्टेल ३’ आगामी फागुन १६ गते विश्वभर एकसाथ रिलिज हुने तयारीमा रहेको छ ।
