आमा बन्दै नन्दिता केसी
अभिनेत्री नन्दिता केसी आमा बन्ने भएकी छन् । सामाजिक सञ्जाल मार्फत नन्दिताले आफु पहिलो सन्तानको आमा बन्न लागेको खुसीको खबर सेयर गरेकी हुन् ।
‘नारीले पाएको मातृत्वको वरदान र पुरुषले पाएको जगत पिताको वरदान । सन्तानलाई गर्भमा हुर्काउँदै गर्दा आफूलाई भाग्यमानी महसुस गरिरहेका छौं’ नन्दिता इन्स्टा पोस्टमा लेख्छिन्, ‘भगवानको आशीर्वाद र मातापिताको साथमा आफन्तजन र सम्पूणर् शुभचिन्तकको आशीर्वादलाई शिरोपण गर्दैछौं ।’ नन्दिताले गत ६ महिना अगाडी अरविन्द्र बहादुर कटुवालसँग बिबाह गरेकी हुन् ।
उनले सेयर गरेको इन्स्टा फोटोमा ‘सुन टु वि ममी’ र उनका श्रीमानले लगाएको टिसर्टमा ‘सुन टु वि ड्याडी’ लेखिएको छ । अर्को एक तस्वीरमा उनले सासु र ससुरासँगको फेमिली फोटो पोस्ट गरेकी छन् । नन्दिता पछिल्लो समय अमेरिकामा बस्दै आएकी छन् ।
