अनमोलको ‘जेरी अन टप’मा सुरक्षा पन्त पनि
सुयोग गुरुङको निर्देशनमा बन्ने फिल्म ’जेरी अन टप’ मा अभिनेत्री सुरक्षा पन्तको प्रवेश भएको छ । निर्माण कम्पनि अनन्या फिल्मस् र अभिनेत्री पन्तबीच बुधबार सम्झौता भएको हो ।
निर्माता सरोज न्यौपानेले फिल्ममा पन्त अनुबन्धित भएको पुष्टि गरेका हुन् । ’महत्वपूर्ण भुमिकाको लागि सुरक्षा जी ’जेरी अन टप’मा अनुबन्धन हुनु भएको छ, न्यौपानेले भने,’उहाँको प्रवेशसँगै फिल्मको कास्टिङ लाइनअप थप मजबुद भएको छ ।’ न्यौपानेले अझै अन्य स्टारकास्ट पनि फिल्मसँग जोडिएको भन्दै त्यो सरप्राइज फ्लोरमा जाँदासम्म खुल्दै जाने बताए । यो फिल्मको प्रमुख कलाकारमा स्टार अभिनेता अनमोल केसी, अभिनेत्री आँचल शर्मा र जसिता गुरुङ यसअघि नै न भैसकेका छन् । ’फर्की फर्की’पछि पर्दामा आउन लागेका अनमोल यतिबेला यो फिल्मको लागि पात्रमा भिजिरहेका छन् ।
निर्माता न्यौपानेले नेपाली फिल्ममा हालसम्म पर्दामा नदेखिएको कथावस्तुमा आफ्नो फिल्म निर्माण हुन लागेको भन्दै पछिल्लो क्रममा नेपाली दर्शकले रुचाउँदै आएको परिवेशमा फिल्म निर्माण हुने बताए । प्रयोग गर्न म फिल्म निर्माणमा आएको होइन् न्यौपानेले भने, ’ दर्शकको रोजाई र चाख अनुसार ’जेरी अन टप’ बन्छ, सम्पूणर् दर्शक तथा फिल्म सुभचिन्तकहरूलाई आस्वस्त पार्न चाहन्छु ।’ ’जेरी अन टप’को निर्माणमा अनन्या फिल्मस’सँग दिपक भण्डारी, रविन शेरचन र रामकृष्ठ श्रेष्ठ जोडिएका छन् भने एसोसिएट निर्मातामा ओम अग्रवाल र विवेक थापा छन् ।
’जेरी अन टप’को कथा हेमराज बि.सीको हो । फिल्मको स्कृप्टमा चर्चित कथावाचक साइग्रेस पोखरेल पनि जोडिएका छन् । यो फिल्मलाई काठमाडौँ,लुक्ला र वलिउडको ब्लकवस्टर फिल्म ’थ्री इडियट्स’ छायांकन स्थल लद्धाक लगायतका स्थानमा खिचिँदैछ । कास्टिङ लाइनअप मजबुद भएसँगै फिल्मको छायाँकन यसै साताबाट सुरु हुने जनाइएको छ ।
