दुई नम्वर ट्रेन्डिङमा ‘एक्टरः टेक वन’ को टिजर
प्रदीप खड्का स्टारर ‘एक्टरः टेक वन’ को टिजर युटुव ट्रेन्डिङमा पर्न सफल भएको छ । गत शुक्रबार सार्वजनिक फिल्मको टिजर सात लाख बढी भ्युज सहित युटुव मुभिज अन्तर्गत दोश्रो नम्वर ट्रेन्डिङमा छ । टिजर :
प्रदी खड्का, आना शर्मा र नव अभिनेत्री दिव्या रायामाझी स्टारर फिल्म एक्टर : टेक वन आगामी कार्तिक १५ (लक्ष्मी पूजा) देखि प्रदर्शन हुँदैछ । टिजरमा प्रदिप खड्का, आना शर्मा, र नवप्रवेशी दिव्या रायमाझीका रोमान्टिक दृश्यहरूलाई प्रस्तुत गरिएको छ भने फिल्ममा तनावपूणर् सम्बन्धहरूको चित्रणले थप रहस्य कायम गरेको छ । राजबल्लभको संवादले चलचित्रको कथा कस्तो हुन सक्छ भन्ने जिज्ञासा दर्शकमा बढाएको छ ।
फिल्मलाई राजन भुसालले निर्देशन गरेका हुन् भने स्क्रिप्ट आकाश बराल र राजन भुसालले लेखेका हुन् । अदृत फिल्मस् र मोती फिल्मस्को संयुक्त प्रस्तुति रहेको यो फिल्ममा निर्माता थमन कुमार भण्डारी र सह-निर्माता अनिश भुसाल रहेका छन् ।
फिल्मको छायाङ्कन नरेन्द्र मैनालीले गरेका हुन् भने सम्पादन निमेष श्रेष्ठको छ । फिल्ममा सङ्गीत हर्कुलस बस्नेत, रोहित शाक्य, र एलिस कार्कीले दिएका छन्, र कोरियोग्राफी शिशिर खाती र किरण थापाले गरेका छन् ।
