१ नम्वर ट्रेन्डिङमा विराज र समिरको ‘१२ गाउँ’ को प्रोमो

फिल्म ‘१२ गाउँ’को ट्रेलर सार्वजनिक भएको छोटो समयमै युटुव ट्रेन्डिङमा पर्न सफल भएको छ । विराज भट्टको निर्माण, निर्देशक र अभिनय रहेको फिल्मको प्रोमो यतिबेला युटुव मुभिज अन्र्तगत् शिर्ष स्थान पहिलो नम्बरमा छ । फिल्मको प्रोमो मंगलबार युटुवमा अपलोड गरिएको थियो ।

फूलपातीदेखि प्रदर्शनमा आउने फिल्मको प्रोमोलाई दर्शकले सकारात्मक प्रतिक्रिया दिइरहेका छन् । झण्डै सात लाख भ्युज पाइरहेको फिल्मको प्रोमोलाई एघार हजार बढीले प्रतिक्रिया दिएका छन् । लाइक सत्तरी हजार जति छ । विशेषतः प्रोमोमा समावेश एक्सनले दर्शकको ध्यान खिच्न सफल भएको छ । डेव्यु अभिनेता समिर भट्टले प्रशंसा पाइरहेका छन् ।
यो फिल्मबाट समीरसँगै दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि डेव्यु गरेका छन् । फिल्ममा विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहनेछ ।

विराज भट्ट फिल्म पोडक्सन प्रस्तुतीमा निर्माण भएको सिनेमामा अर्जुन पोखरेल र निरजको संगीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन रहनेछ । सिनेमामा विराज स्वंयमको कथा र सन्तोष सरकारको पटकथा तथा संवाद लेखन रहेको छ ।

एक्सन-थ्रिलर कथामा बन्न लागेको फिल्मका लागि विराजले भारतबाट द्वन्द्व निर्देशक ल्याएका छन् । तमिल तथा कन्नड फिल्मका द्वन्द्व निर्देशक स्टन्ट सिल्भालाई नेपाली सिनेमा सफल द्वन्द्व निर्देशनमा शंकर महर्जनले सघाएका छन् ।