‘दुःखी आत्मा’को पोस्टरमा दयाहाङ, आँचलदेखि अनुपसम्म
दीपेन्द्र लामा लिखित तथा निर्देशीत प्रतिक्षित फिल्म ‘दुःखी आत्मा’ को पहिलो झलक पोस्टर सोमबार सार्वजनिक गरिएको छ । विभिन्न तीन डिजाइनका पोस्टर सोमबार सार्वजनिक गरिएको हो ।
यी मध्ये एउटामा दयाहाङ राई सिंगल छन भने अर्कोमा उनी र आँचल शर्मा प्रेमील भावमा देखिन्छ्न । अर्को एक पोस्टरमा भने दयाहाङ,आँचलका साथमा अनुपबिक्रम शाही,बुद्धि तामाङ,रेअर राई,लोकेन्द्र लेखक र आशान्त शर्मालाई प्रस्तुत गरिएको छ ।
फागुन २ गतेदेखि प्रदर्शन हुने फिल्मको पोस्टरले दर्शकमा थप कौतुहलता जगाउने देखिन्छ । क्लक वर्क कृएसनको ब्यानरमा हिमाल कडरियाको निर्माण अनि सुदिप ढकाल कार्यकारी निर्माता रहेको फिल्ममा चर्चित कवि श्रवण मुकारुङका विभिन्न १० वटा पेचिला कविता पनि समेटिएको छ ।
आलोक शुक्लाले खिचेको फिल्म निमेष श्रेष्ठले सम्पादन गरेका छन । फिल्म आरआर फिल्मस्ले बितरण गर्दैछ ।
