नयाँ फिल्मका लागि पूजाका कडा मिहेनत
नयाँ फिल्मका लागि नायिका पूजा शर्मा कडै मिहेनतमा लागेकी छन् । केही महिनादेखि पूजा जिम र डान्स क्लासमा व्यस्त छिन् । उनले आफ्नो फेसबुकमा ‘कोशिस जारी छ’ भन्दै एक्सरसाईजका तस्बिरहरु पोस्ट गरेकी छन् । उनको यो मिहेनत कस्तो प्रकारको रोलका लागि हो भन्ने चाहिं सार्वजनिक गरिएको छैन । नयाँ फिल्ममा पूजा कतै एक्सन रोल त गर्दै छैनन् ?
सुदर्शन थापाले निर्देशन गर्ने फिल्मको यतिबेला प्रि-प्रोडक्सनको कार्य भैरहेको छ । फिल्मको लागि नायकको खोजी समेत भैरहेको निर्देशक थापा बताउँछन् । यही माघको अन्त्यबाट छायाँकन सुरु हुने फिल्ममा संगीत अर्जुन पोखरेलले नै भर्दैछन् । पूजा र सुदर्शन मिलेर पछिल्लो पटक फिल्म ‘म यस्तो गीत गाउँछु’ बनाएका थिए ।