जनकपुरमा डोली चढिन् केकी, नाजिरलाई रथ
फिल्म ‘राज्जा रानी’ को बिहिबार साँझ जनकपुरमा भव्य प्रिमियर गरिएको छ । सम्भवतः पहिलोपटक यसरी मधेशमा नेपाली फिल्मको भव्य प्रिमियर भएको हो । प्रिमियरमा स्थानियले राम जानकी विहे जस्तै झल्को दिने गरेर अभिनेत्री केकी अधिकारीलाई डोली र अभिनेता नाजिर हुसेनलाई रथमा चढाए ।
रामजानकी मन्दिरदेखि उनीहरुलाई स्थानिय हलमै लगिएको थियो । सेलेव्रिटी हुटिङमा जनकपुर उर्लियो । भोर नेपाल सामाजिक संस्थाले राज्जा रानी प्रिमियर आयोजना गरेको थियो । फिल्म हेरेपछि दर्शकले सकारात्मक प्रतिक्रिया दिएको जनकपुरबाट अनिल यादवले जानकारी दिए ।
दाइजो र छोरीलाई गर्भपतन गर्न दवाव दिने विकृतिविरुद्ध चित्रण गर्ने फिल्मको मैथिली र नेपाली भाषा सहित शुक्रबारदेखि देशभर प्रदर्शनमा आएको छ । याम थापा निर्देशित फिल्मलाई रमेश एमके पौडेलले निर्माण गरेका हुन् ।