सन्की ‘शेरबहादुर’, यस्तो छ फिल्मको कथा
माघ १९ गतेदेखि प्रदर्शनमा आउने फिल्म ‘शेरबहादुर’ मा कलाकार सुनिल थापा शिर्ष भूमिकामा प्रस्तुत भएका छन् । आर राजवंशी निर्देशित फिल्म कस्तो प्रकारको हो त ? निर्देशकले फिल्म बारे केही रोचक कुरा बाहिर ल्याएका छन् ।
निर्देशक राजवंशी भन्छन्, ‘अवकाश प्राप्त एक आर्मीको कथामा यो फिल्म घुमेको छ । निडर, शन्की र बलियो पात्र शे बहादुर फिल्मको मूख्य पात्र हो । शेर बहादुर आफ्नो लक्ष्य प्राप्तीका लागि केही योजना बनाउँछन् । त्यहि योजना भित्र रुमलिएका अन्य पात्रसंगको अवस्था फिल्मले चित्रण गरेको छ ।’
फिल्ममा सुनिलसँगै कर्म, रविन्द्र झा, मेनुका प्रधान लगायतको मुख्य भुमिका फिल्ममा रहेको छ । एक्शन, रोमान्स, ड्रामा समाबेश फिल्मप्रति निर्माण पक्ष अपेक्षित छन् । फिल्मको नाम सुन्दा राजनीति जस्तो लागेपनि राजनीतिसँग सम्बन्धित फिल्म नभएको निर्माण पक्षले जनाईएको छ ।
यस फिल्मको अधिकांश सिन सेटमा खिचिएको निर्माण पक्षको दावी छ । जुन सेट तयार गर्न मात्रै २५ लाख बढी खर्च गरिएको बताईएको छ । निर्माताका रुपमा बरिष्ठ छायांकार गौरी शंकर धुजु र धिराज राजवंशी रहेका छन् ।
