नर्वेमा वास्तविक प्रेम कहानीको ‘बोबी’ प्रिमियर हुने
वास्तविक प्रेम कहानी माथि बनेको फिल्म ‘बोबी’ को नर्वे प्रिमियर हुने भएको छ । रियल जोडी उमेश थापा र कविता गुरुङको मुख्य भूमिका रहेको फिल्मको हलिउड फिल्म प्रदर्शन हुने हलमा प्रिमियर हुनेछ । बोबी लाई मिलन चाम्सले निर्देशन गरेका हुन् । बोबी कविताको बोलाउने अर्को नाम हो ।
नर्वेमा ‘बोबी’ लाई स्क्यान्याण्डवियाको नोर्डिक्स फिल्म वितरण कम्पनिले देखाउने भएको हो । मे १० तारिखमा आयोजना हुने फिल्मको प्रिमियरमा कविता गुरुङ र उमेश सहित निर्देशक चाम्स लगायत फिल्मको अन्य सदस्य सहभागी हुनेछन् । फिल्ममा विजय लामा, रुवी राना शाह (मिस नेपाल), रवी गिरी, सुरवीर पण्डित, पुर्णिमा लामा, बादल भट्ट, रश्मि भट्ट, देशभक्त खनाल लगायतका कलाकारको अभिनय छ । उमेश र कवितास गरिएको रमाईलो कुराकानी हेर्नुस् :
नर्वेमै बस्ने इन्जीनियर उमेश र होटल म्यानेजर कविताको प्रेमकथामा तयार गरिएको सिनेमाको स्क्रिप्ट संचारकर्मी नरेश भट्टराईले लेखेका हुन् । चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्मित सिनेमामा ताराप्रकाश लिम्बुको संगीत, नवराजकृष्णको छायाँकन र अर्जुन जिसीको सम्पादन छ ।