निखिलको ‘पिंजडा ब्याक अगेन’ माघ ५ गते राजधानीमा
फिल्म ’पिंजडा ब्याक अगेन’ माघ चार गते मोफसलमा मात्रै रिलिज हुने भएको छ । राजधानीमा भने निखिल उप्रेती स्टारर फिल्म माघ ५ मा मात्रै लाग्नेछ । निर्माता संघले होल्ड ओभर कायम राख्न प्रदर्शनरत फिल्मलाई कम्तिमा एक हप्ता हलमा अवसर दिने निर्णय सहित अघि ल्याएको नीतिका कारण पिंजडा ब्याक अगेन’ राजधानीमा शुक्रबार मात्रै लाग्ने भएको हो ।
माघ चार गते बिहिबार परेको सोनाम ल्होसारको बिदाको दिन फिल्म रिलिजको घोषणा निर्माण टिमले गरेको थियो । त्यसो त यसअघि पनि बिदा पर्दै गर्दा बिहिबार नै फिल्महरु हलमा लाग्दै आएका थिए । यो नियम मुख्यतः मोफसलका हलमा मात्रै लाग्दै आएको छ । निर्देशक हिमाल केसीले वितरण कम्पनिहरुसँगको सल्लाहमा फिल्मलाई दुई मितिमा रिलिज गर्ने सहमती भएको बताए । निखिल र सारासँग गरिएको रमाईलो कुराकानी हेर्नस् :
श्रीराम बरालको प्रस्तुतीमा तयार भएको फिल्ममा गोविन्द गैरे र रोहित पुरी निर्माता छन् । फिल्मलाई राजधानीमा बिके फिल्मस् र मोफसलमा एफडी कम्पनिले वितरणको जिम्मा लिएको छ । फिल्ममा निखिलसँगै सारा शिर्पाली, ज्याक श्रेष्ठ, सुन्दर श्रेष्ठ, पुकार भट्टराई कलाकारहरु मुख्य भूमिकामा छन् ।
