महंगो रकममा ‘शत्रु गते’ बिक्रि
फिल्म ‘शत्रु गते’ को डिजिटल तथा ओभरसिज राइट्स महंगो रकममा बिक्रि भएको छ । ओएसआर डिजिटलले फिल्मको डिजिटल तथा अन्र्तराष्ट्रिय अधिकार एक करोड एघार लाखमा खरिद गरेको निर्माता किरण केसीले जानकारी दिए । सत्रु गते को यो डिजिटल तथा ओभरसिज राइट्स सम्भवतः कुनै पनि नेपाली फिल्मले पाएको सर्वाधिक महंगो रकम हो ।
यति धेरै रकम किन हालियो त ‘शत्रु गते’ का लागि ? बुझ्नमा आए अनुसार हाँस्य विधाका चर्चित अनुहारहरुको अभिनय र निर्माण संलग्नताको कारण फिल्मलाई एक करोड बढी रकम हालिएको हो । पछिल्लो समय हाँस्य व्याङ्ग्य कलाकारको समुहले बनाएको फिल्मले सफलता पाइरहेको छ । गीतको भिडियो हेर्नुस् :
मह सञ्चारको प्रस्तुतीमा किरण केसीको निर्माण रहेको सत्रु गते मा मदनकृष्ण श्रेष्ठ, हरिवंश आचार्य, दीपक राज गिरी, दीपाश्री निरौला, निर्माता केसी, शिवहरी पौडेल , बसुन्धरा भुसाल, प्रियंका कार्की, पल शाह, आँचल शर्मा, रमेश रंजन झा लगायत कलाकारहरुको अभिनय रहेको छ । ‘शत्रु गते’ लाई जात्रा निर्देशक प्रदीप भट्टराईले निर्देशन गरेका हुन् । फिल्ममा समावेश ‘रुपै मोहनी” गीत हिट भैरहेको छ । हरिवंश र दिपाश्रीसँग गरिएको रमाईलो कुराकानी हेर्नुस् :
