माघे संघ्रान्ती कुर्दै आर्यन र प्रियंकाको ‘बटरफ्लाई’
फिल्म ‘बटरफ्लाई’ लाई दर्शकले मन पराएको निर्माता ओम प्रतिक गुरुङले दाबी गरेका छन् । शनिबार सन्तोषजनक व्यापार गरेको फिल्मले माघे संघ्रान्तीमा थप दर्शकको साथ पाउने निर्देशक गुरुङले आशा व्यक्त गरेका छन् । पहिलो पटक एकसाथ पर्दामा प्रस्तुत भएका नायक आर्यन अधिकारी र नायिका प्रियंका कार्कीको जोडीलाई दर्शकले मन पराएको समेत उनले बताए ।
‘बटरफ्लाई’ को दुई दिनको ब्यापारिक रिपोर्ट भने सार्वजनिक गरिएको छैन । निर्माण तथा वितरक टिमले शुक्रबार देशभर फिल्मको औसत अकुपेन्सी ५० प्रतिशत र शनिबार ८० प्रतिशत माथी रहेको दाबी गरेको छ । निर्देशक ओम प्रतिक गुरुङले शनिबार देशैभर फिल्मलाई दर्शकको राम्रो साथ मिलेको भन्दै केहि पर्दा हाउसफुल बनेको बताए । ‘जति दर्शकले हेर्नुभएको छ राम्रो भन्नु भएको छ’, गुरुङले भनेका छन्, ‘वर्ड अफ माउथ राम्रो छ माघे संक्रान्तीको बिदामा फिल्मप्रति दर्शकको थप साथ बढ्नेछ ।’ दर्शक प्रतिक्रिया हेर्नुस् :
फिल्मका कार्यकारी निर्माता रमेश प्रजापति हुन् भने पुष्पाञ्जली अधिकारी ‘सखा’ निर्माता र रामशरण राणा, भुपेन्द्र सुवेदी तथा सरोज शाह सह–निर्माता छन् । आर्यन र प्रियंकासँग गरिएको रमाईलो कुराकानी हेर्नुस् :