‘होलिडे’ मा रमाईलो गर्दै गौरव, बुद्धि र पवित्रा

युरोपका विभिन्न रमणिय स्थानमा छायाँकन गरिएको फिल्म ‘होलिडे’ का केही रमाईला तथा रोमान्टिक तस्बिरहरु सार्वजनिक भएका छन् । प्रदर्शन मिति तय नगरिएपनि फिल्मको प्रचार प्रसार होस् भन्ने उद्धेश्यले सुटिङ तस्बिरहरु मिडियामा ल्याइएको हो ।

बसन्त निरौला निर्देशित कमेडी फिल्म ‘होलिडे’ मा गौरव पहारी, वुद्धि तामाङ, पवित्रा आचार्य, श्याम श्रेष्ठ, बेनि ढुंगाना लगायतका कलाकारको अभिनय छ । बी.एन फिल्मस्को ब्यानरमा निर्माण भएको फिल्ममा मन्दिरा श्रेष्ठ, तेजेन्द्र कंडेल, हरि कार्कीको लगानी छ भने दिनेश कालिराज कार्यकारी निर्माताको रुपमा छन् । युवराज चौलागार्इं र अमित श्रेष्ठको संगीत छ ।

अभिमन्यू निरवीको लेखन रहेको फिल्म फ्रान्स, बेल्जियम लगायतका देशमा छायाँकन गरिएको छ । युरोप छायांकनको व्यवस्थापनको जिम्मा श्याम श्रेष्ठले गरेका थिए ।