‘कृ’ की नायिकाले किन गरिन छुट्टै प्रेसमिट ?
‘कृ’ फिल्मकी नायिका अदीति बुढाथोकीले छुट्टै प्रेसमिट गरेकी छन् । ‘सेल्फ प्रोमोट’ को लागि अदीतिले यही आइतबार प्रेसमिट गरेकी हुन् । सञ्चारकर्मीबाट प्रेसमिटमा विभिन्न प्रकारका प्रश्नको सामाना गरेकी अदीतिले केही नयाँ कुराको पनि खुलासा गरिन् ।
अनमोलको अगाडी आफु छायाँमा पर्ने डरले एकल रुपमा प्रेसमिट गरेको आरोपलाई अदीतिले अस्विकार गरिन् । ‘म अनमोलको छायाँमा पर्दिंन’, अदितीले अडान लिइन् । उसो भए किन गरिन् त उनले बिना टिमको प्रेसमिट ? उनले यसको गहकिलो उत्तर दिन सकिनन् । उसो त उनले अनमोल केसीको ‘ड्रिम्स’ फिल्म अफर आएर पनि आफुले नखेलेको खुलाइन् । ‘म त्यतिबेला तयार थिइँन’, अदितिले भनिन् । ‘कृ’ प्रेसमिटको भिडियो हेर्नुस् :
यही माघ २६ गतेदेखि प्रदर्शनमा आउने ‘कृ’ मा अदिति सोलो नायिकाको रुपमा प्रस्तुत भएकी छन् । फिल्ममा अनमोल र अतिदिसँगै अनुपविक्रम शाहीको पनि मुख्य भूमिका रहेको छ । सुवास गिरी र भुवन केसी निर्मित ‘कृ’ लाई सुरेन्द्र पौडेलले निर्देशन गरेका हुन् ।
