गीत रोकेर केकीले घोषणा गरिन् ‘कोहलपुर एक्सप्रेस २’
नायिका केकी अधिकारीले फिल्म ‘कोहलपुर एक्सप्रेस’ को गीत ‘सि ओ डब्लु काउ’ रिलिज गर्नबाट रोकेकी छन् । गत साता रिलिज गर्ने भनिएको केकी र रिमा विश्वकर्मा फिचरिङ उक्त गीत अब माघमा मात्रै रिलिज गरिनेछ । ‘काउन्ट डाउन’ समेत सुरु गरिएको कोहलपुर एक्सप्रेस को गीत किन रोकियो त ?
‘माघमा रिलिज गर्दा उत्तम हुन्छ भनेर पुषमा रिलिज नगरेका हौं’, नायिका तथा निर्मात्री अधिकारीले भनिन् । गीत रिलिज नगरेतापनि केकीले कोहलपुर एक्सप्रेसको सिक्वेल निर्माण गर्ने भने घोषणा गरेकी छन् । गत शनिबार निर्देशक विशाल भण्डारीको जन्मदिनमा केकीले कोहलपुर एक्सप्रेस २ बनाउने जिम्मा भण्डारीलाई दिएकी हुन् । ‘सिक्वेल बनाउने कुरालाई सकारात्मक रुपमा लिउँ’, निर्देशकको जन्मदिनमा केकीले भनिन् । केकी र रिमासँग गरिएको रमाईलो कुराकानी हेर्नुस् :
निर्माता भद्र बहादुर शाही र केकी मिलेर फिल्म कोहलरपुर एक्सेप्रेस निर्माण गरेका हुन् । फिल्ममा केकी सहित नायिकाहरु प्रियंका कार्की, ऋचा शर्मा कलाकारहरु बुद्धि तामांग, बिनोद न्यौपाने लगायतको अभिनय रहेको छ । हाल पोस्ट प्रोडक्सनमा रहेको ‘कोहलपुर एक्सप्रेस’ बैशाख १४ बाट चैत २३ मा सरेको थियो ।