विश्वको चर्चित शो ल्याउँदै नेपाल आइडल निर्देशक !

विश्वकै चचिर्त एवं महंगो रियालिटी शो ‘द भ्वाइस’ नेपाल भित्रिने संकेत देखिएको छ । टेलिभिजनकै ईतिहासमा पहिलो पटक सर्वाधिक चर्चा कमाउन सफल गायन रियालिटी शो नेपाल आइडलका निर्देशक लक्ष्मण पौडेलले उक्त ब्यान्डलाई नेपाल भित्र्याउने प्रयास गरेका हुन् । निर्देशक पौडेलले आफ्नो प्रयासलाई सामाजिक सञ्जाल फेसबुकमा स्टाट्स पोस्ट गरेका छन् ।

निर्देशक पौडेलले ‘गुगलको रेटिङ्गमा भ्वाइस नम्बर एक’ फेसबुकमा अपडेट गरे लगत्तै यसै टिमका अर्का सदस्य फिरोज तिमल्सीनाले पनि ,’IMDB को रेटिङ्गमा ‘द भ्वाइस’ एक नम्बरमा’ पोस्ट गरे । यसले के कुरा संकेत गर्छ भने रियालिटि शो “द भ्वाइस” नेपाल भित्रिने पक्का पक्कि देखिएको छ । हुनत करिब एब महिना अगाडि निर्देशक सहित रियालिटि हेड फिरोज तिमल्सीना नेदरल्याण्ड्स प्रस्थान गरेका थिए र हामीले अनलाईन अध्ययन गर्दा ‘द भ्वाइस’ युरोपेलि कम्पनी ‘टाल्पा’ को रहेको थाहा हुन आएको छ ।

‘द भ्वाइस’ संसारको सबैभन्दा ठुलो र सबैभन्दा महंगो सिङ्गिग रियालिटि शो हो । यो विश्वभरमा अमेरिका ,अफ्रिका, नेदरल्याण्ड्स, अष्टेलिया,भारत लगाएत करिब १९२ देशहरुमा भब्बयताका साथ सम्पन्न भईसकेको छ भने अमेरिकामा हाल यो शो को १३ औ संस्करण सम्पन्न भइसकेको छ । आधिकारिक रुपमा यो टिमको सदस्यहरु बाट कुनै जानकारी नआएता पनि उनिहरुको फेसबुक स्टाट्स बाट “द भ्वाइस” अब नेपालमा भित्रिने संकेत भने आईसकेको छ ।

‘द भ्वाइस’ नेपाल मा पनि नेपाल आइडलकै संचालक शुसिल नेपाल, रियालिटि हेड फिरोज तिमल्सीना, चि फ क्यमराम्यान शिवराम श्रेष्ठ, ट्यालेन्ट हेड करण राज कार्की, पोस्ट प्रोडक्सन हेड सोहन मानन्धर लगाएतका जम्बो टिम बनिसकेको खबर प्राप्त भएको छ । साथै नेदरल्याण्ड्स बाट पनि आधा दर्जन भन्दा बढि ग्लोबल टेक्नीकल टिम पनि नेपाल आउने जानकारीमा आएको छ ।