प्रधानसेनापति सहित वरिष्ठ फिल्मकर्मीले हेरे ‘रातो घर’
प्रधानसेनापति राजेन्द्र बहादुर क्षेत्रीले फिल्म ‘रातो घर’ हेरेका छन् । सेनापति क्षेत्री बिहिबार परिवार सहित सुरज सुब्बा नाल्बो निर्देशित फिल्म हेर्न दरबारमार्गस्थित क्युज हलमा पुगेका थिए । पुरा समय फिल्म हेरेका सेनापतिले फिल्मको कथा र कलाकारको प्रस्तुती मन परेको प्रतिक्रिया दिए ।
रातो घर हेर्न प्रधानसेनापति सहित राष्टिय खेलकुद परिषदका अध्यक्ष टेन्डी शेर्पा, नेपाल जर्मन चेम्वर अफ कर्मशका अध्यक्ष विनायक शाहीले रातो घर हेरे । यस्तै वरिष्ठ फिल्मकर्मी निर शाह, गौरी मल्ल, दिपकराज गिरी, दीपाश्री निरौला, निर्देशक सुदर्शन थापा, सरिता लामिछाने र ऋषि लामिछाने दम्पती, निर्मात्री पुनम क्षेत्री गौतम, नायिका रिमा विश्वकर्मा, अभिनेता अनुपविक्रम शाही पनि रातो घरको हेर्न गएका थिए ।
यस्तै फिल्म युनिटको तर्फबाट निर्देशक नाल्बो, निर्माता तथा कलाकार विल्सन विक्रम राई, कलाकारहरु गौरव पहारी, अनुरागमान सिंह कुँवर लगायत उपस्थित थिए । रातो घर शुक्रबारदेखि प्रदर्शनको तेश्रो सातामा प्रवेश गरेको छ । कलाकार अनुरागमान सिंहको विशेष निमन्त्रणामा प्रधानसेनापति देखि अन्य व्यत्तित्वहरुले बिहिबार रातो घर हेरेका हुन् ।
