‘तिमी मेरो भ्यालेनटाइन हुनु’ सार्वजनिक
भ्यालेन्टाईन डेको नजिकिएसँगै यसलाई लक्षित गरेर गीतका भिडियोहरु सार्वजनिक भैरहेका छन् । यस्तैमा संगीतकार तथा गायिका रेखा पौडेलको स्वरमा रहेको ‘तिमी मेरो भ्यालेन्टाइन हुनु’ बोलको गीतको भिडियो सार्वजनिक गरिएको छ । रोसन कार्कीको निर्देशनमा बनको भिडियो यस्तो छ :
युवा गजलकार सुजन अनिमेष धिकारीको शब्द रहेको यस गीतलाई रेखा सँगै धिरज भन्डारीले पनि आवाज दिएका छन् । ’प्रेमिल गिटार’ एल्बममा समावेश यस गीतमा रेखा पौडेलको संगीत तथा सन्तोष प्रगाढको एरेन्ज रहेको छ ।
जापानको निकै रमणीय स्थालमा छायांकन गरिएको यस भिडियोमा मोडल मुना सिटौला र शिवराज भट्टराईको अभिनय रहेको छ । जापानमा नै बसेर मोडल क्षेत्रमा लागेकी मुना सिटौलाले यसै भिडियो मार्फत अभिनयको यात्रा सुरु गरेकी हुन् ।
