स्वप्न सुमनको लेखनाथमा पहिलो ‘ओपन लाइभ कन्सर्ट’
युवा पुस्तामा चर्चित गायक स्वप्न सुमनले पहिलो पटक पोखरा नजिकैको लेखनाथ महोत्सवमा आफ्नो प्रस्तुती दिने भएका छन् । यही माघ २३ गते मंगलवार लेखनाथ महोत्सवमा स्वप्नले लाइभ कन्सर्ट दिनेछन् ।
लेखनाथ मिडिया हाउसको आयोजना र लेकसिटी युथ क्लवको सह आयोजना रहेको उक्त कार्यक्रममा स्वप्न सुमन, इलिमेन्ट्स, ड्रिमर्ज, कपिल पुन, सैनिक सेभिएर लगाएत फेशन शो समेत हुने कार्यक्रम संयोजक सन्दिप पौडेलले जानकारी दिए । लेखनाथमा समेत राष्ट्रिय स्तरको व्याण्डको प्रस्तुती राख्न पाउँदा लेखनाथले समेत नयाँ आयाम पाउँने व्याण्ड संयोजक प्रतिक सुनारले जानकारी दिए ।
लेखनाथका युवा पुस्ता स्वप्न सुमन आफ्नो ठाउँमा आउने खबरले खुसी भएको महोत्सवका सह आयोजक लेकसिटी युथ क्लवका अध्यक्ष अर्जुन भण्डारीले बताए । लेखनाथमा पहिलो पटक आफ्नो प्रस्तुती दिन लागेका स्वप्नले पनि फेसबुक र युट्युव मार्फत सबैलाई निमन्त्रणा दिएका छन् ।
