‘धनपति’ मा अंग्रेजी सव टाइटल पनि
दिपेन्द्र के खनाल निर्देशित फिल्म ‘धनपति’ अंग्रेजी सव टाइटल पनि रिलिज हुने भएको छ । राजधानीको कमलपोखरीस्थित कुमार हलमा मात्रै अंग्रेजी सव टाइटल सहित फिल्म हेर्न सकिने निर्देशक खनालले जानकारी दिए । किन राखियो त फिल्ममा सव टाइटल ? फिल्मको प्रोमो हेर्नुस् :
‘नेपाली फिल्म हेर्न चाहने अंग्रेजी मात्रै बुझ्ने दर्शकका लागि अंग्रेजी सव टाइटल राखेका हौं । फेरी हाम्रै साथीहरुबाट पनि अंग्रेजी सव टाइटल राख्नु पर्ने गुनासो आइरहेको थियो त्यसैले हामीले राखेका हौं’, निर्देशक खनालले भने । खगेन्द्र लामिछाने शिर्ष भूमिकामा प्रस्तुत भएको फिल्ममा सुरक्षा पन्त, मनिष निरौला, आशान्त शर्मा, सुरवी बर्तौला लगायत कलाकारहरुको अभिनय रहेको छ । रोजिना सिटौला निर्माता रहेको ‘धनपति’ यही असार २३ गतेदेखि प्रदर्शनमा आउँदैछ ।
