‘पागल’ मार्फत गायनमा अर्जुन कुमारको कमब्याक
गायक अर्जुनकुमार १२ वर्षपछि गायनमा फर्किएका छन् । थाहै नपाइ पछि गायन क्षेत्रबाट टाढा रहेका अर्जुनले हालै नयाँ गीत रेकर्ड गरेका छन् । १२ वर्षपछि अर्जुनले ‘पागल’ बोलको गीत तयार पारेका हुन् ।
गीतको भिडियो बनाइसकेका अर्जुनले आगामी साता गीत सार्वजनिक गर्ने योजना बनाएका छन् । नयाँ गीतमा शब्द र संगीत अर्जुन आफ्नै रहेको छ भिडियोलाई निर्देशक निकेश खड्काले निर्देशन गरेका छन् । नयाँ गीतलाई अहिलेका दर्शक तथा श्रोताले मन पराउनेमा अर्जुन आशावादी छन् । उनले ‘रोजे तिमीलाई’, ‘हृदय’, ‘प्यासन’ र ‘क्यालिबर’ एल्बम सार्वजनिक गरेका अर्जुनले ‘रमाइलो छ यो साँझ’ ‘हजारौं चोट’, ‘के के गरूँ म’, ‘मायाको पहिलो’ बोलका गीत गाएका छन् ।
फिल्म निर्माणमा लागेपछि गायक कुमार गायन क्षेत्रबाट टाढिएका थिए । अर्जुन कुमारले ‘दि युगदेखी युगसम्म’, ‘चपली हाईट’, ‘चपली हाईट २’, ‘फाटेको जुत्ता’ फिल्म बनाएका छन् ।
