‘कृ’ निर्माता हिरासतमुक्त, ११ लाखमा कुरा मिल्यो
‘कृ’ निर्माता सुवास गिरी र निर्देशक शम्भु प्रधानबिच सहमती भएको छ । महानगरीय प्रहरी परिसर टेकुमा दुई पक्षबिच ११ लाखमा सहमती भएको हो । दुई पक्षबिचको सम्झौतासँगै निर्माता गिरी हिरासतमुक्त भएका छन् ।
फिल्म ‘सम्झना’को ‘उकालीमा अघिअघि’ बोलको गीतको एक हरफ बिना अनुमती कृ मा प्रयोग भएपछि निर्देशक प्रधानले प्रहरी परिसरमा उजुरी दिएका थिए । सोही उजुरीको आधारमा प्रहरीले निर्माता गिरीलाई मंगलबार हिरासतमा राखेर सोधपुछ गरेको थियो । ११ लाख दिने सम्झौता भएसँगै निर्माता गिरी बुधबार हिरासतमुक्त भएका छन् । बताइएअनुसार फिल्म सम्झना उतिबेला ११ लाख आइसीमा बनेको थियो ।
