हरिवंश आचार्य स्टारर ‘महापुरुष’को युटुवमा प्रशंसा
सार्वजनिक प्रदर्शनीमा सफल फिल्म ‘महापुरुष’ युटुवमा अपलोड गरिएको छ । तिहारलाई लक्षित गरी युटुवमा अपलोड गरिएको फिल्मलाई युटुवमा हेरेका दर्शकले प्रशंसा गरेका छन् । हालसम्म फिल्ममा पन्ध्र लाख बढी छ ।
प्रदीप भट्टराई निर्देशित फिल्म महापुरुष मा अभिनेता हरिवंश आचार्यको शिर्ष भूमिका छ । साथमा गौरी मल्ल, राजाराम पौडेल, अञ्जना बराईली, अरुण क्षत्री, रविन्द्र सिंह बानियाँ लगायतका कलाकारको अभिनय रहेको फिल्म युट्युवमा केन्द्र मोसन पिक्चर्स मार्फत सार्वजनिक गरिएको छ ।
फिल्म ‘महापुरुष’बाट नव-नायक अरुण क्षेत्री र नव-नायिका अञ्जना बराइलीले डेव्यु गरेका हुन् । अञ्जना अभिनित फिल्म पूर्ण बहादुरको सारंगी हाल सफलताका साथ प्रदर्शन भैरहेको छ ।
षटकोण आर्ट्सको प्रस्तुतीमा बनेको फिल्म महापुरुषले एकल बुबाको दुःखदायी यात्रालाई प्रस्तुत गरेको छ । फिल्म निर्मातामा म्याक्स दिपेश खत्री र कार्यकारी निर्मातामा रविन्द्र सिंह बानियाँ हुन् ।
