चकलेटी अनमोलको ‘कृ’ मा यस्तो लुक्स
अनमोल केसी स्टारर फिल्म कृ को फस्ट लुक्स रिलिज गरिएको छ । सार्वजनिक दुई पोस्टरहरुमा अनमोलको एङ्ग्री लुक्सलाई देख्न सकिन्छ । पोस्टर हेर्दा थाहा हुन्छ कि चकलेटी अनमोल कृ मा एक्सन भूमिकामा देखिएका छन् ।
भुवन केसी र सुरेन्द्र पौडेल मिलेर बनाएको फिल्मलाई सुरेन्द्र पौडेलले निर्देशन गरेका छन् भने अनमोलको अपोजिटमा अदिती बुढाथोकी छिन् ।फस्टलुक रिलिजसँगै फिल्म कृ कात्तिक ३ मा रिलिज हुने पक्का भएको छ । सुवास इन्टरटेन्मेन्टको निर्माणमा द सुपर काजोल फिल्मस्को प्रस्तुतीमा बनेको फिल्ममा अनमोल र अदितीसँगै अनुपविक्रम शाही, कामेश्वर चौरासिया, सरोज खनाल, रुपा राना, लक्ष्मी गिरी, अमित गिरी, सुदाम सिके लगायत कलाकारको अभिनय रहेको छ ।
