‘तेश्रो नेपाली म्युजिक भिडियो अवार्ड’ मलेसियामा
‘तेश्रो नेपाली म्युजिक भिडियो अवार्ड’ मलेसियामा आयोजना हुने भएको छ । संगिक्षा फिल्मस्को आयोजनामा यस अगाडि २ वटा अवार्ड युएइमा आयोजना भएको थियो । नेपालको संगिक्षा फिल्मस् इन्टरटेन्मेन्ट र मलेसियाको एसकेएस ब्राइट भेन्चर एसडीएन बीएचडी मलेसियाको संय’क्त आयोजनामा यो अवार्ड आयोजना हुन लागेको हो ।
बिहिबार काठमाण्डौमा प्रेसमिट गर्दै ३२ विधामा म्युजिक भिडियो अवार्ड आयोजना हुन लागेको जानकारी दिइयो । अवार्ड जुन महिनाको १५, १६ र १७ तारिखमध्ये एक दिन हुने आयोजक प्रमुख मनोज केसीले बताए । अवार्डमा आधुनिक, लोक, पप, लोकदोहोरी, फिल्म समुह र आदिवासी तथा जनजाती गीत विधामा अवार्ड प्रदान गरिनेछ ।
मलेसियामा विक्रम जंग शाही र जयराम तिमिल्सिनाले अवार्डको व्यवस्थापन गर्नेछन् । कार्यक्रममा बोल्दै संगिक्षा फिल्मस्का प्रमुख मनोज केसीले तेश्रो पटकमा मलेसियामा अवार्ड गर्न सफल भएको बताए । यस्तै मलेसियामा अवार्डको व्यवस्थापन गर्न लागेका विक्रमजंग शाहीले यसपटक भिन्न तरिकाले अवार्ड आयोजना गर्ने बताए ।
