‘धनपति’ को ओपनिङ ‘पशुपति प्रसाद’ भन्दा माथि
असार २३, प्रदर्शनको पहिलो दिन फिल्म ‘धनपति’ ले सुखद सुरुवाती व्यापार गरेको छ । शुक्रबार फिल्मले ७५ प्रतिशत माथि अकुपेन्सी कायम गरेको निर्माता तथा निर्देशक दिपेन्द्र के.खनालले जानकारी दिए । राजधानीका क्यु.एफ.एक्स, बिग, एफ.क्युव अन्र्तगतका हलहरु करिब करिब हाउसफूल रहेको दिपेन्द्रले बताए । फिल्म काठमाण्डौं र मोफसल गरी देशका ५५ बढी हलहरुमा प्रदर्शन भैरहेको छ । फिल्मलाई शनिबार क्युएफएक्सले १६ वटा शो उपलब्ध गराएको छ ।
खगेन्द्र लामिछानेको मुख्य भूमिका रहेको फिल्म ‘धनपति’ लाई बिहिबार गरिएको प्रिमियरमा रुचाइएको थियो । फिल्ममा खगेन्द्रको पत्नीको भूमिकामा नायिका सुरक्षा पन्त प्रस्तुत भएकी छिन् । खगेन्द्रको लेखन रहेको ‘धनपति’ लाई रोजिना सिटौलाले निर्माण गरेकी हुन् । शनिबारका कतिपय शोजहरु पनि अग्रिम बुकिङ मार्फत फूल भैसकेका छन् । ‘धनपति’ को यो ओपनिङ यही समुहले बनाएको सफल फिल्म पशुपति प्रसाद भन्दा माथिको हो । राष्ट्रिय पुरस्कार प्राप्त फिल्म पशुपति प्रसादले तेश्रो दिनदेखि व्यापारमा अग्रता लिएको थियो । ‘धनपत्नी’ अर्थात् नायिका सुरक्षा पन्तसँग गरिएको रमाइलो कुराकानी हेर्नुस् :
