२ दिनमा ‘धनपति’ को कमाइ यति
शुक्रबारदेखि प्रदर्शनमा आएको फिल्म ‘धनपति’ ले दुई दिनमा एक करोड २० लाखको कुल व्यापार गर्न सफल भएको छ । शनिबार मात्रै फिल्मको व्यापार ७० लाख हुन आएको निर्देशक तथा निर्माता दिपेन्द्र के.खनालले बताए ।
‘आइतबार पनि सत्तरी प्रतिशत अकुपेन्सी कायम छ’, निर्माता तथा निर्देशक खनालले भने, ‘हिसाब चाहिं आउँन बाँकी छ ।’ तीन दिनमा फिल्मले करिब डेढ करोडको व्यापार गर्ने आँकलन निर्माण पक्षको छ । देशका करिब ५५ हलमा प्रदर्शन भैरहेको ‘धनपति’ लाई केही भागमा पानीले असर गरिरहेको छ । फिल्ममा खगेन्द्र लामिछाने र सुरक्षा पन्त र सुरक्षा पन्त मुख्य भूमिकामा प्रस्तुत भएका छन् ।
