चाम्सको नयाँ फिल्ममा शिल्पा, चाहियो नायक र नायिका
निर्देशक तथा निर्माता मिलन चाम्सले नयाँ फिल्म निर्माण तथा निर्देशनको घोषणा गरेका छन् । वर्किङ्ग टाइटल रहेको लिलिबिली मा शिल्पा मास्के मुख्य हिरोइनको रुपमा पक्का भएकी छिन् । शिल्पाले हलिउड फिल्म डक्टर स्ट्रेन्जमा खेलिसकेकी छिन् ।
शिल्पासँगै लभ स्टोरी फिल्ममा एक नायक र एक नायिकाको मुख्य भूमिका रहनेछ । जसको खोजी कार्य भैरहेको निर्माता तथा निर्देशक चाम्सले बताए । हामी एक नायक र नायिकाको खोजीमा छौं, ईच्छुकले हामीसँग सम्पर्क गर्न सक्नुहुनेछ । चाम्स इन्टरटेनमेन्ट, गोविन्द शाहीको काफिया फिल्मस र हालै कारखाना निर्माण गरेका सुदीप खड्काको टाइम्स इन्टरटेनमेन्टसँग मिलेर लिलिबिली सम्पूर्णको छायाँकन लण्डन र स्कटल्याण्डमा हुनेछ । चाम्स अहिले बोबीको छायाँकनमा व्यस्त छन् ।
