साउन ६ गतेदेखि रिलिजको मैदानमा ‘मेरी कुसुम’
यूएइका विभिन्न शहरमा प्रदर्शन पश्चात फिल्म ‘मेरी कुसुम’ अब नेपालका विभिन्न हलमा रिलिज हुने भएको छ । हर्षिका श्रेष्ठ र मोहन बोगटीको मुख्य भूमिका रहेको यो फिल्म साउन ६ गतेबाट रिलिज हुँदैछ ।
एनआरएन घिमिरेले निर्देशन गरेको फिल्म मेरी कुसुम को विभिन्न देशमा शो भैसकेको छ । निर्माता समेत रहेका मोहनले भनेका छन् ‘दुबई, अवुधाबी लगायतका राज्यमा फिल्म हेरेपछि दर्शकले उत्कृष्ट भन्नु भएको छ । हामीले, यूएइबाट नै लगानीको केही प्रतिशत रकम सुरक्षित गरिसकेका छौ । अब, नेपालबाट लगानी सुरक्षित हुनेमा ढुक्क छौ ।’ सुनिता शर्मा बोगटी र रविन्द्र कुँवरले मिलेर यो फिल्मको निर्माण गरेका हुन् । मेरी कुसुम लभस्टोरी तथा सांगीतिक कथामा बनेको फिल्म हो ।
