‘हेलिकप्टर ईला’ मार्फत दर्शकमाझ काजोल
सन् २०१५ मा शाहरुख खानसँग फिल्म ‘दिलवाले’ देखिएकी काजोल नयाँ फिल्म ‘हेलीकप्टर ईला’ मार्फत दर्शक माझ देखिने भएकी छिन् । फिल्ममा एकल आमाको संर्घष र छोराप्रतिको आशक्तिलाई देखाइएको छ । केही साता अघि सार्वजनिक ट्रेलरमा काजोललाई कमेडी र भावुक मुद्रामा देख्न सकिन्छ । ट्रेलर कमेडि र ईमोशनले भरिपुर्ण रहेको छ । ट्रेलर हेर्नुस् :
काजोल यस फिल्ममा सिंगल आमाको रुपमा देखिएकी छिन । काजोलले छोराको लागि आफनो सपना छोडेर पुरै छोरामा ध्यान दिन तिर लागेकी हुन्छिन । छोरा माथि हावी भएको कारणले गर्दा छोरा घर छोडेर जान्छन् । यही सेरोफेरोमा फिल्म घुमेको आँकलन छ ।
२०१४ मा फिल्म ‘मर्दानी’ निर्देशन गरेका निर्देशक प्रदिप सरकारले ‘हेलीकप्टर ईला’ निर्देशन गरेका हुन् । फिल्ममा काजोलसँगै नेहा धुपिया र रद्धि सेन लगायतका कलाकारहरुको अभिनय छ । अजय देवगन र पेन प्रोडक्सन हाउस संयुक्त निर्माण रहेको फिल्म भाद्र २२ गते (सेप्टेम्वर ७ तारिख) मा रिलिज हुँदैछ ।
