‘ह्यापी फिर भाग जाएगी’ मा सोनाक्क्षीको प्रसंशा
सोनाक्क्षी सिन्हा ‘वेलकम टु न्युयोर्क’ पछि ‘ह्यापी फिर भाग जाएगी’ फिल्म मार्फत दर्शकमाझ आएकी छिन् । यो फिल्म उनको लागि जीवनदान हुन सक्छ । पञ्जावी केटीको भुमिकामा देखिएकी सोनाक्षीले यो फिल्मबाट निकै चर्चा कमाइरहेकी छिन् ।
‘होली डे’ र ‘एक्सन ज्याक्सन’ पछि उनले त्यति चर्चा कमाएकी छैनन, तर यो फिल्मबाट पहिलो दिनमै राम्रो चर्चा कमाएकी छन् । यो फिल्मले दर्शक र समिक्षकबाट राम्रो प्रतिक्रिया पाइरेको छ । भारतिय समिक्षकले नै यो फिल्मले सुरु देखि लिएर अन्तिम सम्म दर्शकलाई बाँधेर राख्न सक्ने बताएका छन् ।
निर्देशक मुदस्सर अजीजले २०१६ मा ‘ह्यापी भाग जाएगी’ फिल्म बनाएका थिए । अहिले उनले नयाँ सोचका साथ ‘ह्यापी फिर भाग जाएगी’ निर्देशन गरेका हुन् । यस फिल्ममा पाकिस्तानमा होइन चाइनामा भाग्ने कथालाई समेटिएको छ । दुई देश बिचको कथालाई समेट्नु पर्याे भने पाकिस्तानको नाम अगाडि आईहाल्छ । तर निर्माण पक्षले यो फिल्मको कथा चाइनासँग जोडने हिम्मत गरेको हो ।
यो फिल्ममा सोनाक्क्षी सिन्हा देखि लिएर अली फजल, जिम्मी शेरगिल, पीयुष मिश्रा, अपारशक्ति खुराना लगायतका कलाकार छन् । फिल्मले बक्स अफिसमा राम्रो कमाइ गर्ने आशा राखिएको छ ।
