‘२ रुपैयाँ’ को ‘कुटुमा कुटु’ लाई १ करोड, संगीतकार सिवाकोटीको ह्याट्रिक
फिल्म ‘२ रुपैयाँ’ मा समावेश ‘कुटुमा कुटु’ गीतको भिडियोले युट्युवमा छोटो समयमै एक करोड बढी भ्युअर्स पाएको छ । अपालोड भएको ५० दिन नपुग्दै यो गीतले एक करोड भ्युअर्स पार गरेको हो । संगीतकार राजनराज सिवाकोटीले कुटुमा कुटु सहित संगीत दिएका तीन गीतहरु एक करोड नाघेका छन् । उनी करोड भ्युअर्समा ह्याट्रिक हान्ने पहिलो संगीतकार भएका छन् । यसअघि सिवाकोटीले संगीत दिएका दुई गीतहरु ‘सुर्के थैली’ र ‘पुर्व पश्चिम रेल’ ले एक करोड भ्युअर्स पाइसकेका छन् । २ रुपैयाँको कुटुमा कुटुको भिडियो हेर्नुस् :
राजनराज, राजन इशान र मेलिना राईको स्वर रहेको कुटुमा कुटुको भिडियोमा निर्देशक बस्नेत, आशिफ शाह, स्वस्तिमा खड्का र बुद्धि तामाङ फिचरिङ छन् । भिडियोको कोरियोग्राफी कविराज गहतराजले गरेका हुन् । अशिम शाहको निर्देशन रहेको फिल्म २ रुपैयाँ भदौ २३ गतेदेखि प्रर्शनमा आउँदैछ । निर्माता तथा कलाकार आशिफ शाहले कुटुमा कुटुको एक करोड भ्युअर्स सेलिव्रेसन गरिने बताएका छन् ।
