‘सायद २’ बाट अमृतले देखाए सम्भावना
फिल्म ‘सायद २’ मा अभिनय गरेका नव कलाकार अमृत ढुंगानाले नेपाली फिल्ममा बलियो संभावनाको देखाएका छन् । फिल्म सायद २ को सुरुवाती व्यापार न्यून भएपनि अमृतको अभिनयको भने यतिबेला उच्च प्रशंसा भैरहेको छ । दर्शक र समिक्षकले अमृतको कामको तारिफ छन् ।
उसो त अमृत फिल्म ‘सायद २’ खेल्नु पुर्व नै एक जमातमा चिनिएका कलाकार हुन् । युटुव हेर्ने युवा ‘सर्कल’ मा अमृतको क्रेज लोभलाग्दो छ । यही क्रेजलाई क्यास गर्न निर्माता सुनिल रावलले अमृतलाई ‘सायद २’ मा लिएका थिए । फिल्मको व्यापार आशातित नभएपनि अमृतले अभिनय क्षेत्रमा सम्भावनाको बलियो ढोका खोलेका छन् । नयाँ कलाकारहरु मध्ये अमृत ‘नोटिस’ भएका छन् । तर अमृतको फिल्मी करिअर उनले खेल्ने फिल्म र भूमिकाले निर्धारण गर्नेछ । राम्रो ब्यानर, टिम, स्क्रिप्ट र भूमिका छानेर फिल्म खेलेको खण्डमा अमृत भोलिको युवा स्टार बन्न सक्ने धेरैले आशा राखेका छन् ।
