जितुलाई कुमार सानुको चुम्बन, पाए यस्तो उपहार
गिनिज बुकमा नाम लेखाउन सफल भारतका चर्चित गायक कुमार सानुले गत शनिबार राजधानीमा आफ्नो बेजोडको प्रस्तुती दिए । कुमार सानु लाइभ इन कन्सर्टमा नेपाली गायक सुमग पोखरेल, गायिका देविका बन्दना लगायतले आफ्नो प्रस्तुती दिए भने कार्यक्रमको होस्ट नायिका निशा अधिकारी र हाँस्यव्याङ्ग्य कलाकार जितु नेपालले गरेका थिए ।
जितुले कार्यक्रम यति प्रभावकारी रुपमा सञ्चालन गरे कि गायक सानु जितुलाई चुम्मा गर्न बाध्य भए । जितुले रमाइलो गर्दै कार्यक्रम सञ्चालन गरेका थिए । यसै बाट प्रभावित भएर सानुले जितुको निधारमा दुई चुम्मा दिए । जितु पनि विश्व चर्चित गायकले यसरी निधारमा चुम्मा दिएपछि दंग देखिन्थें ।
यस्तै जितुलाई निधारमा चुम्मा दिएका गायक सानुले कलाकार अनुरागमान सिंह कुँवरबाट भने बुद्धको मुर्ति उपहार पाएका थिए । कलाकार सिंहले नेपाली कलाकर्मीको प्रतिनिधित्व गर्दै उक्त मुर्ति सानुलाई उपहार दिएका थिए । कुमार सानुको लाइभ कन्र्सट हेर्न थुप्रै नेपाली कलाकारहरु सहभागी थिए ।
