किसानको ऋण चुक्ता गर्दै अमिताभ बच्चन
केरलामा बाढी पिडितलाई सहयोग गरिसकेका अमिताभ बच्चनले अब किसान र शहिद परिवारका लागि सहयोगी हात अघि बढाएका छन् । ‘कौन बनेगा करोडपति’ को १० औ सिजनको प्रेस मिटमा अमिताभले ऋणमा डुबेका किसानको लागि एक करोड २५ लाख रुपैयाँ दान गर्ने घोषणा गरेका हुन् ।
उक्त प्रेस मिटमा अमिताभले भने– ‘केहि वर्ष अघि आन्द्रप्रदेशको विजागमा शुटिङ गरिरहेका थियौ । त्यतिबेला थाहा पाए किसान ऋणको कारण आत्महत्या गरिरहेका थिए ।’ उनलाई यो कुराले निकै दुखी बनायो ३०–४० हजारको लागि किसानहरु आत्महत्या जस्तो कदम उठाइरहेका छन् । त्यतिबेलै ५० किसान परिवारका ऋण तिरिदिएका थिए । अब अमिताभ दुई सय किसान परिवारको लागि १.२५ करोड रुपैयाँको ऋण चुक्ता गर्दै छन् । किसानको साथ साथै अमिताभले शहिद परिवारलाई पनि सहयोग गरिरहेका छन् ।
उक्त प्रेस मिटमा उनले भने– ‘हामी शहिद परिवारको लागि पनि सहयोग गर्न चाहान्छौ, ४४ परिवारले सरकारको तर्फबाट सहयोग पाएका छन् । यस्तै परिवारको रेख देखको लागि ११२ मागको सुची तयार पारेको छांै । करिब एक करोडको यो रकम शहिद परिवारका विधुवा, आमा र बुबालाई दिनेछौं ।’
