आठ वर्षपछि सँगै अभिषेक र ऐश्वर्या
ऐश्वर्या राय बच्चन र अभिषेक बच्चन अनुराग कश्यपको फिल्म ‘गुलाबजामन’ मा एक साथ देखिने भएका छन् । यो जोडिले करिब ८ वर्ष पछि एक साथ स्क्रिीन सेयर गर्न लागेका हुन् ।
२०१० सालमा मणिरत्नमको फिल्म ‘रावण’ मा एक साथ काम गरेका थिए । ऐश्वर्याले विगत तीन वर्षमा चार वटा फिल्म गरेकी छन् । भने अभिषेकले केहि वर्ष यता फिल्मबाट बे्रक लिएका थिए । अभिषेक राम्रो फिल्मको पर्खाइमा थिए । लामो ब्रेकपछि उनले अनुराग कश्यपमको फिल्म ‘मनमर्जिया’ बाट कमब्याक गरेका छन् । ‘मनमर्जिया’ फिल्ममा अभिषेक पञ्जावी भूमिकामा देखिने छन् ।
अब फेरि अनुराग कश्यपकै फिल्ममा अभिषेक देखिने भएका छन् त्यो पनि आफनै पत्नी ऐश्वर्याको साथमा । यस फिल्मको लागि ऐश्वर्या र अभिषेक दुवै जना उत्साहित रहेको भारतिय मिडियामा बताउँदै आएका छन् ।
