एक करोड कटेपछि ‘कुटुमा कुटु’ ले काट्यो केक
फिल्म ‘२ रुपैयाँ’ टिमले ‘कुटुमा कुटु’ ले युटुवमा एक करोड भ्युअर्स पार गरको पुगेको खुसीयाली मनाएको छ । सोमबार आफ्नो टिम र प्रेससँग केक काटेर टिमले खुसीयाली मनाएको हो । छोटो समय, ४९ दिनमै कुटुमा कुटुले युटुवमा एक करोडको भ्यु पाएको हो ।
कुटुमा कुटुको सेलिव्रेसनमा गीतकार, संगीतकार तथा गायक राजनरान सिवाकोटी, गायक राजन इशान, निर्देशक असिम शाह, नायक तथा निर्माता आशिफ शाह, कोरियोग्राफर कविराज गहतराज, नायिका स्वस्तिमा खड्का लगायत सहभागी थिए । उनीहरुले गीत रुचाउने दर्शक तथा श्रोतालाई धन्यवाद दिए । निर्देशक तथा नायक निश्चल बस्नेत घरयासी कामका कारण बाहिर रहेकाले सेलिव्रेसन कार्यक्रममा सहभागी हुन सकेनन् ।
कमेडी फिल्म २ रुपैयाँमा निश्चल बस्नेत, आशिफ शाह, बुद्धि तामाङ लगायत कलाकारहरुको अभिनय रहेको छ । फिल्म भदौ २३ गतेदेखि प्रदर्शनमा आउँदैछ । गीत हिट भैसकेकाले फिल्म पनि हिट हुनेमा निर्माण टिम विश्वस्त छ ।
