अशिष्माको सम्झनामा भौतारिए सौगात : ‘संरक्षण’ गीत
साउन २७ गतेदेखि प्रदर्शनमा आउने फिल्म ‘संरक्षण’ मा समावेश सम्झनाको सारङ्गी बोलको गीतको भिडियो सार्वजनिक गरिएको छ । प्रवेश मल्लिकको संगीत रहेको गीतमा स्वरुपराज आचार्यको स्वर छ । शब्द धिरेन्द्र प्रेमर्शीले लेखका हुन् । नायक सौगात मल्ल र नायिका अशिष्मा नकर्मी फिचरिङ गीतको भिडियो हेर्नुस् :
पुर्णेन्दु झा निर्देशित फिल्म ‘संरक्षण’ मा सौगात र अशिष्मासँगै नायक निखिल उप्रेती, नायिका मलिना जोशी, रमेश रञ्जन, प्रमोद अग्रहरी, कामेश्वर चौरसिया लगायतको अभिनय रहेको छ । नरेन्द्र महर्जन, प्रदीप कुमार उदय, नन्दु श्रीवास्तभ र श्वेता शाहको संयुक्त लगानी रहेको फिल्म मधेशले मधेशको मुद्धालाई उठाएको छ । मंगलबार प्रेसमिट गर्दै संरक्षणको नयाँ गीत रिलिज गरिएको हो । यसअघि फिल्मको होली गीत र प्रोमो सार्वजनिक भैसकेका छन् ।
