आलियाको फिल्म दीपिकाले खोसिन् !
सञ्जय लिला भन्सालीको फिल्ममा आलिया भट्ट देखिने चर्चा निकै चलेको थियो । आलिया पनि भन्सालीको ‘पीरियड ड्रामा’ लाई लिएर निकै उत्साहित थिइन् । तर भन्सालीले आलियाको ठाँउमा दीपिका पादुकोणलाई साइन गरेका छन् ।
आलिया करण जोहरको फिल्म ‘कलंक’ मा काम गर्ने भएपछि भन्सालीले आफनो फिल्मको लागि दीपिकालाई लिएको भारतिय मिडियाले उल्लेख गरेका छन् । आलियाले भन्सालीको फिल्ममा काम गर्ने इच्छुक रहेको बताएकी थिएन । त्यहि समयमा करण जोहरले आफनो फिल्म घोषणा गरे । आलियाले करण जोहरकै फिल्मबाट डेब्यु गरेकी थिइन । उनको लागि करण जोहर निकै महत्वपुर्ण रहेका छन्, त्यसैले पनि आलियाले करण जोहरलाई नकार्न सक्दिनन् ।
भन्सालीले पहिला ११ वर्षकी आलियालाई फिल्म ‘हमारी जान हो तुम’ अफर गरेका थिए । यो फिल्ममा उनलाई बाल दुलही बनाउनु थियो तर यो फिल्म बनेन । आलिया एक पटक फेरि भन्सालीको फिल्मबाट वञ्चित भएकी छिन् ।
