कन्ट्रोभर्सी क्विन कंगनाको बलिउडमा अर्को कन्ट्रोभर्सी
क्विन एक्ट्रेस कंगना रनाउत बलिउडकी कन्ट्रोभर्सी क्विन पनि हुन् । उनी पटक पटक विवादमा फस्दै आइरहेकी छन् । पछिल्लो फिल्म ‘मनिकर्निका द क्वन अफ झाँसी’ लाई लिएर एक कंगना पुनः विवादमा परेकी छिन् ।
यो फिल्मलाई कंगना आफैले निर्देशन गर्ने कुरा मिडियामा बाहिरिएको छ । फिल्मको निर्देशन पहिला कृष्ण जगी मुन्डीले गरेका थिए । कंगना फिल्मको कुनै भागलाई लिएर बेखुशि भएको खबर पहिले नै आएको थियो । त्यसैले उनले कृष्णको ठाँउमा आफैले निर्देशनको जिम्मेवारी सम्हालेकी हुन् ।
यो खबरलाई प्रमाणित गर्नको लागि फिल्मका निर्माता निशान पट्टीले कंगना रनाउतको नामको क्याबोड सेयर गरेका छन् । निर्माताले फिल्म निर्देशनको जिम्मेवारी कंगनाले लिएको खुलाउँदै कृष्ण ‘एन टी आर’ बायोपिक फिल्मको लागि हेद्रबाजमा व्यस्त रहेको बताएका छन् ।
निर्देशकले यो फिल्म छोडे लगतै सोनु शुदले पनि यो फिल्म छोडेको खबर बाहिरिएको छ । कंगना सोनुको सिन र डायलगलाई लिएर हाबी हुँदा सोनुले फिल्म छोडेका छन् । यो फिल्म सोनु शुद सहभागी नरहने खबरले पनि भारतिय मिडिया तताएको छ ।
